A i besoni miqësisë që lind në rrjete sociale? Kjo është tema për të cilën do të diskutojmë në mëngjes duke mirëpritur telefonatat në numrin e telefonit : 042 400 603, dhe komentet në rrjetin social Facebook .
Muzika dhe të kënduarit duket si një dhunti që lind bashkë me individin. Në rrugëtimin e një artisti janë disa momente që përkojnë dhe me arritje të ndryshme. Disa artistë zhvillojnë artin dhe karrierën e tyre përtej kufijve. Ne do të jemi me këngëtaren Teuta Pango, e cila ka sjellë dhe një këngë të re për publikun.
Prej gati 1 viti Pandemia e Covid 19 që ka prekur të gjithë botën, duket se ka ndikuar në të gjitha sferat e sektorët e jetes dhe në veçanti në sektorin e punësimit. Për punësimin e të rinjve në kohë pandemie dhe përshtatjen e tyre me tregun e punës, do të bisedojmë me Pedagogun Erion Muça, Këshillues Karriere dhe Ekpert Punësimi.
Por natyrisht që pjesë e pandarë e emisionit është muzika më e mirë shqiptare dhe e huaj. Informacionet rreth Aktualitetit, Politikës, Sportit, Artit, Ekonomisë dhe Kulturës vijnë drejtpërdrejt nga webi i ''rtsh.al''.
Parashikimi i Motit, lidhjet me korrespondentët nëpër rrethe, kuriozitete dhe aforizma, ngjarjet nga muzika botërore dhe shumë surpriza të tjera i gjeni vetëm duke na ndjekur nga ora 07:00-10:00 në RTSH 1, Radio Tirana 1 ose në telefonin tuaj celular me aplikacionin ''RTSH TANI'', i cili serviret pa pagesë për të gjithë telefonat e mençur .
