Si mendoni se do të vlerësohemi në Eurovision? Kjo është tema për të cilën do të diskutojmë në mëngjes duke mirëpritur telefonatat në numrin e telefonit : 042 400 603, dhe komentet në rrjetin social Facebook.
Edukimi fizik dhe sporti janë mënyra më e mirë për të afruar njeriun me natyrën e sigurisht shumë e rëndësishme në këtë drejtim është edhe përfshirja e brezave të rinj. Për aktivitetet e fundit lidhur me sportin dhe ditët e Javës Olimpike ne do të bisedojmë me të ftuarit tanë, Enkelejda Caushi, Drejtoreshë e Akademisë Olimpike Shqiptare dhe Klodian Zaka, Koordinator i Edukimit Olimpik.
Ne ambientet e Kalasë së Tiranës është hapur Ekspozita "FILLESAT". Kjo ekspozitë përcjell te shkuarën e financave të Shqipërisë, informacione dhe imazhe pak të njohura të kompanive shqiptare në vitet 20-30. Ekspozita do qëndrojë e hapur deri në 23 maj dhe më shumë rreth saj ne do të mësojmë me të ftuarin tonë. Ai është Kreshnik Kuçaj, Gazetar.
Por natyrisht që pjesë e pandarë e emisionit është muzika më e mirë shqiptare dhe e huaj. Informacionet rreth Aktualitetit, Politikës, Sportit, Artit, Ekonomisë dhe Kulturës vijnë drejtpërdrejt nga webi i ''rtsh.al''.
Parashikimi i Motit, lidhjet me korrespondentët nëpër rrethe, kuriozitete dhe aforizma, ngjarjet nga muzika botërore dhe shumë surpriza të tjera i gjeni vetëm duke na ndjekur nga ora 07:00-10:00 në RTSH 1, Radio Tirana 1 ose në telefonin tuaj celular me aplikacionin ''RTSH TANI'', i cili serviret pa pagesë për të gjithë telefonat e mençur .