Personi që ka ndikuar më shumë në jetën tuaj? Kjo është tema për të cilën do të diskutojmë në mëngjes duke mirëpritur telefonatat në numrin e telefonit : 042 400 603, dhe komentet në rrjetin social Facebook .
Kuqezinjtë e skive ja dolën për herë të parë në historinë e këtij sporti të sigurojnë një vend në podium mes federatave në zhvillim. Ky aktivitet u zhvillua në Kolashinë në Malin e Zi nga data 12 deri në 16 janar. Për më shumë rreth këtij suksesi do të bisedojmë me Elvis Toçin, President i ‘’FSHS’’ dhe Kevin Qerimin, Skiator.
Shkrimtarët janë ata të cilët në zhanrin e prozës na sjellin subjekte të larmishme. Disa guxojnë e na përcjellin një pjesë të realiteteve të ndryshme jetësore. Tema të cilat ne nuk i prekim dhe në bisedat tona, ose i anashkalojmë për shkak të ngarkesës së madhe emocionale. Autorja që do të jetë e ftuar në studion tonë është fituese e disa çmimeve dhe sjell një roman me temë sociale. Për më shumë do të kemi të ftuar Meri Mezinin, Shkrimtare.
Por natyrisht që pjesë e pandarë e emisionit është muzika më e mirë shqiptare dhe e huaj. Informacionet rreth Aktualitetit, Politikës, Sportit, Artit, Ekonomisë dhe Kulturës vijnë drejtpërdrejt nga webi i ''rtsh.al''.
Parashikimi i Motit, lidhjet me korrespondentët nëpër rrethe, kuriozitete dhe aforizma, ngjarjet nga muzika botërore dhe shumë surpriza të tjera i gjeni vetëm duke na ndjekur nga ora 07:00-10:00 në RTSH 1, Radio Tirana 1 ose në telefonin tuaj celular me aplikacionin ''RTSH TANI'', i cili serviret pa pagesë për të gjithë telefonat e mençur .