RTSH 24 Live

Politikë

Meta uron Biden

20/01/2021

Meta uron Biden

Presidenti shqiptar Ilir Meta duhet të ketë qenë ndër të parët që ka uruar presidentin e ri amerikan Joe Biden, sapo ai ka mbaruar betimin. 'Urimet më të sinqerta, të miat dhe të popullit shqiptar, për Presidentin e Shteteve të Bashkuara të Amerikës, Sh.T.Z. Joe Biden dhe Zëvendëspresidenten, Sh.S.Znj. Kamala Harris" njofton zoti Meta në Facebook.
"Jemi të bindur se marrëdhëniet tona do të vazhdojnë të zhvillohen më tej, ndërsa së bashku forcojmë bashkëpunimin transatlantik dhe në NATO.
Shqipëria do vijojë të mbështetet në partneritetin strategjik me SHBA, si garanci jetike për paqen dhe stabilitetin në rajonin tonë dhe në çështje të rëndësishme globale" shkruan presidenti shqiptar.