Shumë ilaçe revolucionarizuan mënyrën se si trajtojmë kushte të caktuara dhe shumë prej tyre mbeten zgjedhje popullore për ta bërë këtë edhe sot e kësaj dite. Por megjithëse evolucioni i shkencës na ka sjellë ilaçe më të mira dhe më efikase, trupi ynë ende sillet në mënyra unike kur bëhet fjalë për reagimin ndaj substancave. Ndonjëherë, sistemi ynë imunitar i percepton këto barna si të dëmshme dhe për pasojë shkakton një reaksion alergjik.
Shumë medikamente kanë efekte anësore , por këto nuk janë domosdoshmërish reaksione alergjike. Efektet anësore të zakonshme mund të përfshijnë dhimbje koke, nauze dhe kostipacion.
Alergji apo efekt anësor? - Alergjitë ndodhin kur sistemi imunitar percepton një substancë si një kërcënim dhe e sulmon atë, duke shkaktuar një sërë reaksionesh trupore. Këto mund të variojnë nga skuqjet dhe urtikariet deri te anafilaksia (e cila mund të jetë fatale).
Penicilina - Penicilina është një antibiotik popullor dhe me të vërtetë ai që pati një ndikim të madh në mënyrën se si trajtohen infeksionet bakteriale që kur u zbulua për herë të parë në vitet 1920. Por penicilina dhe barnat e tjera të lidhura me penicilinën mund të shkaktojnë një reaksion alergjik. Skuqjet dhe kruajtjet janë disa nga simptomat më të zakonshme.
Barnat anti-inflamatore josteroidale (NSAIDs) - NSAID-të janë shumë të njohura dhe shumë prej tyre shiten pa recetë. Këto barna përfshijnë aspirinë, ibuprofen (p.sh. Advil), naproksen, diklofenak (p.sh. Voltaren), indometacinë, ketorolac dhe meloxicam. Këto medikamente shpesh përdoren për të reduktuar inflamacionin dhe si qetësues kundër dhimbjeve. Megjithatë, përdorimi i zgjatur mund të çojë në një sërë efektesh anësore, duke përfshirë ulcerat e stomakut.
Kortikosteroidet - Kortikosteroidet, të njohura si steroidet, përdoren për të trajtuar një sërë kushtesh dhe janë zgjedhje të njohura kur bëhet fjalë për reduktimin e inflamacionit dhe shtypjen e sistemit imunitar. Këto barna përfshijnë kortizonin, hidrokortizonin, metilprednizolonin dhe prednizonin. Ndërsa këto përdoren shpesh në trajtimin e alergjive, në mënyrë paradoksale, ato mund të jenë edhe shkaktarë të alergjive. Megjithatë, reaksionet alergjike ndaj kortikosteroideve në përgjithësi nuk janë shumë të shpeshta.
Sulfonamidet - Këto grupe medikamentesh, të njohura edhe si ilaçe sulfa, kanë kryesisht një veprim antibakterial (antibiotikë), por ka edhe disa që përdoren si ilaçe kundër diabetit dhe antikonvulsant. Njerëzit që kanë reaksione alergjike ndaj sulfonamideve mund të pësojnë skuqje të lëkurës dhe ndonjëherë anafilaksi.
Insulina- Insulina ishte një ndryshim i lojës në trajtimin e diabetit kur u nxor për herë të parë në vitet 1920. Insulina përdoret kryesisht nga personat me diabet tip 1, të cilët injektojnë hormonin. Si i tillë, mund të ndodhë acarim në vendin ku injektohet insulina. Por hormoni mund të shkaktojë edhe reaksione të tjera alergjike, më serioze, duke përfshirë anafilaksinë.
Relaksuesit e muskujve - Këto medikamente bllokojnë sinjalet e dhimbjes që shkaktojnë një tkurrje muskulore. Këto përdoren zakonisht në trajtimin e spazmave dhe dhimbjeve të muskujve, të shkaktuara nga kushte të tilla si fibromialgjia, skleroza e shumëfishtë dhe sëmundja e Parkinsonit. Këto medikamente përfshijnë baclofen, ciklobenzaprinë, dantrolen, tizanidine dhe metokarbamol.
(Ky është një artikull informues dhe nuk zëvendëson këshillën e mjekut.)
/rtsh.al/
