Zyra e përfaqësimit të Drejtorisë për punë doganore dhe të ardhura të Mbretërisë së Bashkuar në Ambasadën Britanike, i kanë dhuruar sot Administratës Doganore Shqiptare 17 makineri të numërimit të vlerave monetare (cash).
Gjatë ceremonisë së organizuar, Drejtori i Përgjithshëm i Doganave, Genti Gazheli, falënderoi autoritetet britanike, që nëpërmjet Ambasadës kanë mbështetur ADSH në projekte të ndryshme.
Zv. Ambasadorja e UK, në Tiranë, Mia Marzouk, theksoi se ndërveprimi ndërkombëtar është thelbësor në zbulimin e mashtrimeve dhe pastrimin e parave, por sipas saj, bashkëpunimi do të vazhdojë në një mënyrë produktive dhe të frytshme me Dogana Shqiptare.
Oficeri Ndërlidhës i HMRC, Emma Harper, vlerësoi punën e bërë nga ADSH, dhe u shpreh, se krimi nuk njeh kufij dhe për këtë arsye bashkëpunimi ndërkombëtar është thelbësor.
/rtsh.al/
