Presidenti i Këshillit Europian, Charles Michele ka reaguar pas miratimit të propozimit francez nga Kuvendi i Maqedonisë së Veriut me anë të një postimi në Twitter.
“Një hap vendimtar për Maqedoninë e Veriut dhe BE-në. E ardhmja jonë është bashkë dhe ju mirëpresim krahëhapur”, shtoi Michel.
Kuvendi i Maqedonisë së Veriut miratoi sot propozimin francez për zgjidhjen e mosmarrëveshjes me Bullgarinë, që do t’i hapë rrugën procesit të integrimit evropian.
Propozimi u miratua sot me 68 vota pro, asnjë kundër dhe asnjë abstenim. Deputetët e opozitës nuk morën pjesë në procesin e votimit.
/rtsh.al/
