Është liruar nga detyra drejtori i Përgjithshëm i Parandalimit dhe Pastrimit të Parave, Elvis Koçi. Vendimi është marrë nga Këshilli i Ministrave, ndërsa në vend të tij është emëruar Iris Ago.
Vendimi i plotë i Këshillit të Ministrave:
Në mbështetje të nenit 100 të Kushtetutës dhe të pikës 3, të nenit 21, të ligjit nr.9917, datë 19.5.2008, “Për parandalimin e pastrimit të parave dhe financimit të terrorizmit”, të ndryshuar, me propozimin e ministrit të Financave dhe Ekonomisë, Këshilli i Ministrave
V E N D O S I:
- Z. Elvis Koçi, drejtor i Përgjithshëm i Drejtorisë së Përgjithshme të Parandalimit të Pastrimit të Parave, lirohet nga kjo detyrë.
- Znj. Iris Ago emërohet drejtor i Përgjithshëm i Drejtorisë së Përgjithshme të Parandalimit të Pastrimit të Parave.
Ky vendim hyn në fuqi menjëherë dhe botohet në “Fletoren zyrtare”", thuhet në VKM.
/rtsh.al/