Gjatë 2 orëve monitorim në Rrugën e Kombit, policia ka pezulluar 60 leje drejtimi, si dhe janë vendosur 105 masa administrative, për tejkalim të shpejtësisë tej normave të lejuara.
Monitorimi është bërë nga makina inteligjente, e cila ka skanuar automjete që qarkullonin me shpejtësi nga 137 km/h deri në 192 km/h.
Automjetet që shkelën rregullat e qarkullimit rrugor janë ndaluar më pas nga Policia Rrugore ku u janë vendosur gjoba deri në pezullim të patentës.
Aksidentet e shtuara në rrugët e vendit kanë bërë që policia të shtojë kontrollet për zbatimin e rregullave të qarkullimit rrugor.
/rtsh.al/
