Policia e Kurbinit në bashkëpunim me Interpol Tiranën, kanë finalizuar operacionin policor të koduar “Udine”.
Bilanci i këtij operacioni ka qenë arrestimi në Laç i shtetasit Ermal Zeneli alias Xhemal Karaj, 30 vjeç, banues në Kurbin.
Arrestimi i tij u bë me qëllim qëllim ekstradimin drejt Italisë,
Gjykata e Udines, Itali, e ka dënuar 30-vjeçarin, me 9 vjet e 7 muaj burgim, për veprat penale: “Armëmbajtja pa leje”, "Vjedhja”, kryer në bashkëpunim", "Mbajtja dhe shitja e sendeve të vjedhura" dhe “Kërcënimi ndaj oficerit të Policisë", të parashikuara nga Kodi Penal italian.
30-vjeçari ka vuajtur vetëm 4 muaj nga dënimi i marrë.
Vijojnë procedurat në bashkëpunim me Interpol Tiranën, me qëllim ekstradimin e këtij shtetasi, drejt Italisë.
Materialet procedurale i kaluan Prokurorisë pranë Gjykatës së Rrethit Gjyqësor Kurbin, për veprime të mëtejshme.
/ rtsh.al /