Planeti ynë ende mban mijëra sekrete, veçanërisht për njerëzit e zakonshëm. Ka vende të panjohura, ende për t'u zbuluar dhe të tjera për të cilat dimë pak.
Ka një vend, që për shkak të kushteve të këqija për jetën detare dhe paarritshmërisë së tij, është bërë “varrezë” e objekteve hapësinore quhet Point Nemo.
Pika Nemo ndodhet në mes të Oqeanit Paqësor, larg nga kontinenti dhe nga territoret ku ka jetë njerëzore. Në fakt, zonat tokësore më të afërta me këtë pikë janë jo më pak se 2688 kilometra larg.
Sipas të dhënave nga Shërbimi i Oqeanit i Administratës Kombëtare Oqeanike dhe Atmosferike (NOAA), vendndodhja e saktë e asaj që ata e kanë quajtur "Poli i Paarritshmërisë së Paqësorit" është në 48°52,6' gjerësi jugore dhe 123° 23,6' gjatësi perëndimore.
Brigjet më të afërta janë ato të ishullit Ducie, në veri, Ishulli Maher në Antarktidë në jug, Ishujt Chatham, në Zelandën e Re, në perëndim dhe territorin kilian në lindje.
Njerëzit më të afërt me Point Nemo nuk janë në Tokë por janë astronautët në Stacionin Ndërkombëtar të Hapësirës. ISS orbiton në një maksimum prej 416 kilometrash nga Toka dhe është në një distancë edhe më të shkurtër kur fluturon mbi Point Nemo.
Jeta detare në Point Nemo është "rajoni më pak aktiv biologjikisht i oqeanit në botë", siç shpjegoi për BBC eksperti oqeanografi Steven D'Hondt.
Kjo është arsyeja pse agjensitë hapësinore të shumë vendeve si Shtetet e Bashkuara, Rusia dhe Japonia, kryesisht drejtojnë anijet ose satelitët e tyre drejt kësaj pike.
Point Nemo është emëruar pas personazhit që shkrimtari Zhyl Vern krijoi për "20,000 liga nën det", duke marrë parasysh që Nemo është një fjalë latine që do të thotë "askush".
/rtsh.al/
