Kryeministri britanik, Keir Starmer ka deklaruar se është i përgatitur për dërgimin e paqeruajtësve në Ukrainë, nëse ka një marrëveshje për t’i dhënë fund luftës me Rusinë.
Kjo është hera e parë në 3 vite luftë që kryeministri britanik deklaron në mënyrë eksplicite se po konsideron vendosjen e paqeruajtësve britanikë në Ukrainë. Deklaratat e tij vijnë pak para nisjes së bisedimeve urgjente me liderët evropianë në Paris.
Udhëheqësit do të synojnë hartimin e një strategjie, në përgjigje të shtytjes së Donald Trump për një marrëveshje me presidentin rus dhe frikës se SHBA do të reduktojë angazhimet e saj të mbrojtjes në Evropë.
“Kriza është një "moment një herë në një brez" dhe një pyetje "ekzistente" për Evropën. Mbretëria e Bashkuar është "e gatshme të luante një rol udhëheqës" në mbrojtjen dhe sigurinë e Ukrainës, duke përfshirë angazhimin prej 3 miliardë funtesh në vit deri në vitin 2030. Së bashku me ndihmën ushtarake, "do të thotë gjithashtu të jesh gati dhe i gatshëm për të kontribuar në garancitë e sigurisë për Ukrainën duke vendosur trupat tona në terren nëse është e nevojshme. Nuk e them lehtë. Ndjej shumë thellë përgjegjësinë që vjen me vënien e mundshme të ushtarakëve dhe grave britanike në rrezik. Por çdo rol në ndihmën për të garantuar sigurinë e Ukrainës po ndihmon për të garantuar sigurinë e kontinentit tonë dhe sigurinë e këtij vendi. Fundi i kësaj lufte, kur të vijë, nuk mund të bëhet thjesht një pauzë e përkohshme përpara se Putini të sulmojë sërish.”, deklaroi Starmer.
Që nga fillimi i pushtimit rus të Ukrainës në shkurt 2022, kryeministrat e Mbretërisë së Bashkuar kanë refuzuar të konsiderojnë publikisht dërgimin e ushtarëve britanikë.
/rtsh.al/
