Në vijim të vizitës së tij zyrtare në Kosovë, Kryeministri Edi Rama zhvilloi sot takime të veçanta me drejtues të partive politike. Fillimisht, Kryeministri Rama dhe delegacioni që e shoqëron u takuan me kreun e PDK, Memli Krasniqi. Në vijim, Kryeministri zhvilloi një takim edhe me kreun e LDK, Lumir Abdixhiku. Axhenda e vizitës së Kryeministrit Rama në Prishtinë ka vijuar edhe me takimet që zhvilloi me kryetarin e AKR-së, Behgjet Pacolli dhe me liderin e Nismës Socialdemokrate, Fatmir Limaj. Kryeministri Rama po zhvillon vizitën zyrtare në Kosovë, me ftesë të kryeministrit të Kosovës, Albin Kurti.
