Nga sot në Kosovë qeveria nis zbatimin e planit për makinat me targa serbe që qarkullojnë brenda territorit të saj, plan që kalon në 3 faza.
Më 1 nëntor nis zbatimi i fazës së parë që do të fokusohet në masën e qortimit për pronarët e makinave me traga serbëve dhe informimin e tyre që të drejtohen te Qendrat e Regjistrimit të Automjeteve për të regjistruar mjetet e tyre me targa RKS.
Faza e dytë e planit, nga 21 nëntori deri më 21 janar , parashikon gjoba deri në 150 euro për pronarët e makinave me targa serbe që nuk e kanë ndryshuar atë ende.
Ndërsa pas 21 prillit kur nis dhe faza e tretë, në Kosovë nuk do të mund të qarkullojnë makinat me targa serbe.
Pas 21 prillit secila makinë që hyn në Kosovë i nënshtrohet akcizës, tatimit në import dhe tatimit mbi vlerën e shtuar. Ky çmim shtesë nuk do të vlejë për ata që do t’i riregjistrojnë automjetet me targa RKS.
/rtsh.al/