Rreth 150 anëtarë të forcave speciale të policisë italiane janë përfshirë në një operacion në shkallë të gjerë për gjetjen e një prej udhëheqësve të mafias italiane ”Cosa nostra”, Matteo Messina Denaro.
Sipas raporteve, që nga orët e para të mëngjesit të sotëm u kontrolluan dhjetëra shtëpi në ishull që u përkisnin mbështetësve ose bashkëpunëtorëve të ngushtë të mafiozit.
Messina Denaro konsiderohet kreu i ”Cosa Nostra”-s në Siçili, një nga organizatat më të mëdha mafioze në Itali.
Ai u dënua në mungesë me burgim të përjetshëm për vrasjet e gjyqtarëve të mafias Giovanni Falcone dhe Paolo Borsellino, të cilët vdiqën në dy sulme me bomba në 1992, si dhe vrasje të tjera.
Pesëdhjetë e gjashtë vjeçari është i arratisur që nga viti 1993./ATSH