Irani ka ekzekutuar një protestues për plagosjen e një oficeri gjatë protestave që kanë përfshirë vendin që nga shtatori.
Mizan Online, një agjenci lajmesh e lidhur me gjyqësorin e Iranit, tha se i protestuesi u dënua për "bërjen e luftës kundër Zotit" për therjen me thikë të një anëtari të forcës paraushtarake Basij në një protestë në Teheran më 23 shtator.
Protestuesi u dënua me vdekje më 23 tetor dhe u ekzekutua me varje mëngjesin e 8 dhjetorit, ekzekutimi i parë i lidhur me protestat në vend.
Irani Human Rights, një organizatë jofitimprurëse, ka bërë thirrje për një përgjigje të fortë ndërkombëtare ndaj ekzekutimit.
“Ekzekutimi i tij duhet të përballet me përgjigjet më të forta të mundshme dhe me reagime ndërkombëtare. Përndryshe, ne do të përballemi me ekzekutime të përditshme të protestuesve që po protestojnë për të drejtat e tyre themelore të njeriut”, tha drejtori i grupit Mahmood Amiry-Moghaddam për CNN.
Amiry-Moghaddam tha se protestuesi u ekzekutua pa ndonjë proces të rregullt ligjor dhe pa akses tek një avokat i zgjedhur prej tij.
Figura publike iraniane gjithashtu i kanë bërë thirrje së fundmi qeverisë që të ndërmarrë veprime për të dëgjuar dhe mbrojtur protestuesit.
/rtsh.al/
