Protestuesit indigjenë në Peru kanë liruar më shumë se 100 turistë që mbanin në një varkë lumi në shenjë proteste ndaj derdhjeve të mëparshme të naftës në rajonin e Amazonës së vendit, njofton Deutsche Welle.
"Ata tashmë po kthehen në vendet e tyre të origjinës," u tha gazetarëve në Lima të premten Ministri i Turizmit Roberto Sanchez.
Shtetasit peruan, amerikanë dhe evropianë u ndaluan në varkë nga komuniteti Cuninico që nga e enjtja.
Të premten turistët dhe vendasit u liruan dhe u transferuan në një varkë tjetër.
Angela Ramirez, një çikliste peruane që ishte në mesin e turistëve tha se kishte pasur "shumë ankth, shumë lodhje" në mesin e grupit.
Ajo tha se ata kishin filluar të ndjenin vështirësi pas pasi ju mbaroi uji dhe ushqimet gjatë 28-orëve të sprovës.
Derdhjet e naftës kanë pasur ndikime në shëndet.
Udhëheqësi i grupit indigjen, Watson Trujillo, tha se komuniteti Cuninico mori "masat radikale" në përpjekje për të detyruar qeverinë peruane të vlerësonte dëmin mjedisor nga derdhjet e naftës në rajon.
"Ne e kemi parë veten të detyruar të marrim këtë masë për të tërhequr vëmendjen e një shteti që nuk na ka kushtuar vëmendje për tetë vjet," tha Trujillo.
Ai tha se derdhjet e naftës në 2014 dhe përsëri në shtator të këtij viti "kanë shkaktuar shumë dëme" për njerëzit jeta e të cilëve bazohet tek peshkimi në lumë.
Ministria e Shëndetësisë e Perusë mori mostra gjaku nga banorët në rajon në vitin 2016 dhe zbuloi se rreth gjysma e testeve nga Cuninico treguan nivele të merkurit dhe kadmiumit mbi nivelet e rekomanduara nga Organizata Botërore e Shëndetësisë.
Komuniteti kërkon që qeveria të shpallë një emergjencë për t'u marrë me efektet e ndotjes së naftës.
Ata u zotuan se protestat dhe bllokadat e lumenjve do të vazhdojnë.
( Sipas Deusche Welle )
