Gjermania, Danimarka dhe Holanda njoftuan sot se planifikojnë t'i japin Ukrainës të paktën 100 tanke luftarake të rinovuar Leopard 1, një premtim që vjen ndërsa Kievi parashikon një ofensivë të re ruse afër përvjetorit të pushtimit të tij nga Rusia.
Njoftimi pasoi pasi Gjermania ra dakord muajin e kaluar për të lejuar dërgesat e tankeve më moderne Leopard 2 të prodhimit gjerman në Ukrainë.
Në një deklaratë të përbashkët, ministrat e mbrojtjes të Danimarkës, Gjermanisë dhe Holandës, thanë se dërgesa e tankeve më të vjetër Leopard 1, ishte pjesë e një përpjekjeje "për të mbështetur Ukrainën në përpjekjet e saj për t'i bërë ballë agresionit rus".
"(Ai) do të rrisë ndjeshëm potencialin ushtarak të Ukrainës për rivendosjen e integritetit të tyre territorial të shkelur,"- thanë ata, duke shtuar se shpërndarja do të ndodhë "brenda muajve të ardhshëm" dhe do të përfshijë mbështetje logjistike dhe trajnime.
Zyrtarët ukrainas thonë se presin që forcat ruse të bëjnë një lëvizje të re në Ukrainën lindore dhe jugore, pasi Kremlini po përpiqet të sigurojë territorin që ka aneksuar ilegalisht në fund të shtatorit, dhe ku pretendon se sundimi i tij është i mirëpritur.
Reagimet në fushën e betejës në Ukrainë kanë vënë në siklet Kremlinin dhe presidenti rus Vladimir Putin është i prirur të çimentojë mbështetjen publike për luftën. Apnews
/rtsh.al/
