Presidenti i Turqisë, Rexhep Tajip Erdogan, ka kritikuar "ndihmën" që, sipas tij, kryeministri grek, Kyriakos Mitsotakis, kërkon nga Shtetet e Bashkuara "kundër Turqisë ". Në fjalimin para takimit të Komunitetit Politik Evropian në Pragë, Erdogan tha se pavarësisht asaj që Greqia bën, Turqia do të bëjë “atë që duhet”.
“Kryeministri grek kërkon ndihmë nga SHBA. Kundër çfarë? Kundër Turqisë. Çfarëdo që të bëni, ne do të bëjmë gjithmonë gjithçka që duhet. Ne jemi të gatshëm ta bëjmë këtë”, tha presidenti turk.
Ai iu kthye akuzave se Greqia po "mbyt njerëzit" në Egje dhe Mesdhe, duke thënë se askush nuk po reagon.
“Po shikojmë sesi anijet greke mbytin njerëz të pafajshëm në Egje dhe në Mesdhe. A ka avulluar bota?”, tha ai./ CNN.gr
/rtsh.al/
