Edicioni i IV i "100 vjet muzikë kult" që u zhvillua në Korçë një natë më parë solli për publikun artdashës një repertor të veçantë të muzikës korçare dhe jo vetëm.
Promovimi i muzikës kult krijuar në 100 vite nga kompozitorë korçarë është kthyer tashmë në një traditë.
Në këtë koncert mori pjesë Ansambli i harqeve “Harmonia Albanica” me maestër Lorenc Radovanin. Soliste ka qenë Stela Bello në violinë dhe Jonela Golemi në flaut, ndërsa dirigjent i koncertit ishte i mirënjohuri Eno Koço, i cili e vlerësoi këtë koncert si ndër më të veçantët.
Emocionet e muzikës së vjetër klasike korçare janë përcjellë përmes këtij koncerti tek publiku të interpretuara në mënyrë virtuoze.
/rtsh/