Pasanikët e Nju Jorkut qëndruan në shtëpi për herë të parë gjatë pushimeve të Krishtlindjeve duke hequr dorë nga pushimet e tyre të zakonshme në vendet ekzotike.
Rrokaqiejt luksozë nuk u zbrazën këtë herë për menaxherët, financuesit dhe familjet me fëmijët e tyre.
Administratorët e ndërtesave kanë vendosur t’i befasojnë ata duke kryer rite dhe zakone të reja për Krishtlindje.
Dekoratave tradicionale, të cilat për këtë Krishtlindje janë më të kushtueshme se zakonisht, të bëra në një temë ose me pemë me gjelbërim të përhershëm që transformojnë lobet në pyje të vërteta, u shtohen ritualeve dhe zakoneve të reja.
Administratorët e godinave luksoze në Manhattan janë në një pështjellim të madh, përfshirë shoqëruesit, recepsionistët, ndihmësit, mbajtësit e bagazheve, punëtorët e mirëmbajtës, rojet e sigurisë, ngaqë ”padronët” kanë mbetur në shtëpi për shkak të forcës madhore të koronavirusit.
Në disa salla të rrokaqiejve më prestigjiozë do të ketë zona të dedikuara për fëmijët që banojnë në këto ndërtesa, të cilët do të jenë në gjendje të pinë çokollatë të nxehtë, të shijojnë mini marshmallows dhe biskota, ndërsa një Babagjysh i vërtetë i Vitit të Ri do t’u shpërndajë atyre çanta plot ëmbëlsira duke shmangur që të dalin në rrugë për ta takuar.
Ekipet e rrokaqiejve të maskuar do të sigurohen që të gjithë të argëtohen duke siguruar distancë të sigurt.
Duke lëvizur në Midtown, në çatitë e rrokaqiejve më luksozë, të zbukuruar me drita spektakolare të Krishtlindjeve, do të jenë të hapura në mbrëmje për godina me rezervime për të parë yjet dhe horizontin e qytetit ndërsa do të shijojnë dollitë me shampanjë dhe kokteje./Atsh/
