RTSH 24 Live

Aktualitet

Durrës, nis stërvitja “Defender 21”

04/05/2021

Durrës, nis stërvitja “Defender 21”

Në Portin e Durrësit ka nisur stërvitja “Defender 21”, me një dislokim që ndodh për herë të parë që prej Luftës së Dytë Botërore, në Europë. Në të do të demonstrohen aftësitë ndërvepruese të ushtrisë së SHBA me ushtritë partnere të NATO-s, për sigurinë në Ballkanin Perëndimor dhe rajonet e Detit të Zi.
“Defender 21” u çel të martën me eventin e parë, Dita e Vizitorëve të Shquar (DV- Day), me praninë e autoriteteve më të larta civile e ushtarake në vendin tonë, ato amerikane dhe NATO.
Në  “Defender Europe 21” është një stërvitje e organizuar nga ushtria amerikane në Europë dhe Afrikë dhe parashikohet të marrin pjesë rreth 28 mijë trupa nga 26 vende aleate dhe partnere.
Shqipëria është një nga 16 vendet që mirëpret zhvillimin e kësaj stërvitjeje ushtarake, e cila ka për qëllim ndërveprimin e aleatëve dhe reagimin në raste krizash.
Stërvitja pritet të zgjasë deri në 9 Qershor.