Trofeu i UEFA Conference League, që do t’i dorëzohet fituesit të finales së 25 majit, do të ekspozohet ditën e sotme në Sheshin “Skënderbej”.
Në ceremoni do të jenë të pranishëm Lorik Cana, ambasadori i finales së Tiranës, kreu i FSHF, Armand Duka dhe kreu i Bashkisë së Tiranës, Erion Veliaj.
Prezantimi do të jetë i hapur për qytetarët që do kenë mundësi të shikojnë nga afër trofeun.
Finalja e “Conference League”, do të luhet në “Air Albania” në orën 21:00 mes Romës dhe Feyenoordit të Roterdamit.
/rtsh.al/
