RTSH 24 Live

Sociale

Covid- 19/ Ministria e Shëndetësisë: 3 viktima, 776 të infektuar në 24 orët e fundit

04/08/2022

Covid- 19/ Ministria e Shëndetësisë: 3 viktima, 776 të infektuar në 24 orët e fundit

Rëndohet situata sa i përket Covid-19. Ministria e Shëndetësisë bëri të ditur se gjatë 24 orëve të fundit, në vendin tonë, janë shënuar 3 viktima. MSH informon se bëhet fjalë për një 49-vjeçar nga Korça, një qytetar nga Kuçova, 74 vjeç., si dhe një qytetare nga Librazhdi, 75 vjeçe. Nga 2052 testime të kryera, 776 qytetarë kanë rezultuar pozitivë. Sipas njoftimit, në vend janë 7,596 qytetarë aktivë me Covid19 .

Nisur nga rritja e numrit të qytetarëve të prekur nga Covid19, Ministria e Shëndetësisë i bën sërish thirrje qytetarëve të mos neglizhojnë vaksinimin anticovid, posaçërisht në këtë periudhë të rritjes së kontakteve, për shkak të lëvizjeve përgjatë sezonit veror.

Çdo person mbi 12 vjeç, mund të vaksinohet në qendrat shëndetësore në të gjithë vendin. Gjithashtu MSHMS apelon të gjithë qytetarët e vaksinuar, që të drejtohen në qendrat shëndetësore, për t’u vaksinuar me dozën përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.

Nëse keni shenja të sëmundjes apo keni patur kontakt me një person të prekur nga Covid19, izolohuni menjëherë dhe kontaktoni mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.

“Ju informojmë për situatën në 24 orët e fundit, si vijon: Janë kryer 2052 testime, nga të cilat kanë rezultuar pozitivë me COVID19, 776 qytetarë, në këto bashki: 247 në Tiranë, nga 42 qytetarë në Durrës, Lushnje, 36 në Vlorë, 35 në Fier, 22 në Sarandë, nga 20 qytetarë në Kamëz, Elbasan, 18 në Devoll, nga 17 qytetarë në Lezhë, Krujë, Tepelenë, 16 në Kavajë, 15 në Pogradec, 12 në Shkodër, nga 11 qytetarë në Divjakë, Mallakastër, nga 10 qytetarë në Vorë, Korçë, Prrenjas, 9 në Gramsh, nga 8 qytetarë në Malësi e Madhe, Kurbin, Dibër, Gjirokastër, Maliq, Dimal, Kuçovë, Skrapar, nga 7 qytetarë në Mirditë, Selenicë, Himarë, nga 5 qytetarë në Roskovec, Patos, Berat, nga 4 qytetarë në Mat, Poliçan, Peqin, nga 3 qytetarë në Shijak, Bulqizë, Delvinë, Përmet, nga 2 qytetarë në Kukës, Tropojë, Rrogozhinë, Libohovë, Këlcyrë, Librazhd, nga 1 qytetar në Pukë, Has, Cerrik. Janë 7,596 qytetarë aktivë me Covid19 në gjithë vendin. Aktualisht në spitalin COVID3 po marrin trajtim 32 pacientë. Në 24 orët e fundit ka tre humbje jete me Sars-Cov2: një qytetar nga Korça 49 vjeç, një qytetar nga Kuçova 74 vjeç, një qytetare nga Librazhdi 75 vjeçe. Ministria e Shëndetësisë dhe Mbrojtje Sociale u shpreh ngushëllimet familjarëve. Janë shëruar 883 qytetarë gjatë 24 orëve të fundit, duke e çuar numrin e të shëruarve në 304,187 që nga fillimi i epidemisë.”- thuhet në njoftim.

Statistika (4 Gusht 2022)

Raste të reja ditore            776

Të shëruar në 24 orë          883

Të shtruar në spitale            32

Humbje jete në 24 orë           3

Testime ditore                     2052

Testime totale               1,925,585

Raste pozitive                  315,337

Raste të shëruara              304,187

Raste Aktive                        7,596

Humbje jete                         3,554

Shpërndarja gjeografike e rasteve aktive sipas qarqeve:

Tiranë                3,852

Fier                       726

Durrës                  619

Vlorë                    494

Elbasan                 408

Korçë                    324

Gjirokastër            267

Lezhë                    256

Shkodër                254

Berat                     208

Dibër                    133

Kukës                     55

/rtsh.al/