Në disa media on line ka qarkulluar në formë sensacionale një lajm sikur hakerat kanë sulmuar dhe kanë marrë në posedim arkivin dixhital të RTSH. Lajmi është i pavërtetë dhe askush nuk ka kërkuar informacion përpara botimit e ribotimit të tij në RTSH. Për këtë arsye RTSH sqaron publikun se nuk ka asnjë cënim të arkivit dixhital të tij.
Arkivi digjital i Radiotelevizionit Shqiptar i zhvilluar në vitet e fundit sipas të gjithë standarteve ndërkombëtare të sigurisë, është i mbrojtur me program Anti-Ransomware.
Programi i sigurisë përditëson vazhdimisht databazën e tij për llojet e sulmeve Ransomware dhe në mënyrë periodike bëhen edhe përmirësimet e sistemit, ku përmirësimi i fundit i sistemit Anti-Ransomware është bërë në muajin Gusht 2021.
Arkivi digjital i RTSH nuk është i ekspozuar (as me lidhje fizike as virtualisht) jashtë ambienteve të RTSH dhe procedurat që zbatohen për fshirjen e materialeve përfshijnë një hierarki të caktuar hapash sigurie dhe konfirmimi nga më shumë se dy persona.
Arkivi digjital i RTSH në asnjë rast nuk është prekur nga ndonje virus i llojit Ransomware.
Televizion
Cënimi i arkivit të RTSH, lajm i rremë. Arkivi dixhital me siguri të lartë, nuk sulmohet dot nga jashtë
25/09/2021
Lajmet kryesore
17 min para