23 shqiptarë të dënuar për krime të ndryshme si rrëmbim, pedofili dhe trafik droge janë ekstraduar drejt Shqipërisë nga Britania e Madhe. Kthimi i tyre drejt Shqipërisë u bë këtë të enjte në bashkëpunim mes autoriteteve britanike dhe qeverisë shqiptare.
Mes 23 të ekstradimeve në Shqipëri është edhe një i dënuar për pedofili dhe dy të tjerë të dënuar për trafik kokaine.
Për dëbimet ka reaguar edhe Sekretarja e Brendshme Priti Patel, e cila tha se këto persona janë të rrezikshëm dhe kanë dëmtuar vlerat e Britanisë duke shkelur rëndë ligjet e saj.
“Këta individë janë përgjegjës për disa nga krimet më të tmerrshme, duke përfshirë përdhunimin, krimin e dhunshëm dhe shkeljet e rënda të drogës. Ata kanë shkelur ligjet dhe vlerat tona dhe kanë lënë viktimat e tyre të jetojnë me plagët e krimeve që kanë kryer. Kjo Qeveri do të përdorë çdo mjet të disponueshëm për të larguar shtetasit e huaj që kanë kryer krime kundër qytetarëve tanë dhe së fundmi ne kemi paraqitur Aktin e Kufijve për të ndihmuar në përfundimin e ciklit të kërkesave dhe apelimeve të minutës së fundit që mund të vonojnë largimet”, tha ajo.
Muajin e kaluar, 190 shkelës të shtetasve të huaj u larguan nga Mbretëria e Bashkuar drejt vendeve të tyre, mes të cilëve edhe shqiptarë.
/rtsh.al/