Sekretari i Përgjithshëm i Partisë së Lirisë, Tedi Blushi, nëpërmjet një postimi në mediat sociale, deklaron se “Tirana është shpërfytyruar nga betonizimi”. Sipas tij, masakra e gjelbërimit tek Kopshti Zoologjik është një nga krimet më të shëmtuara ndaj kryeqytetit dhe se dyshja Rama-Veliaj mertitojnë ndëshkim popullor.
“Shpërfytyrimi dhe asfiksimi i Tiranës nga betoni nisi me Edi Ramën dhe po vazhdon me barbari të pashembullt nga Erion Veliaj! Masakra e gjelbërimit tek Kopshti Zoologjik është një nga krimet e tyre më të shëmtuara ndaj kryeqytetit. I vetmi mision dhe vizion i bandës Rama-Veliaj për Tiranën është pasurimi me paratë e kullave të betonit që qelben era mafie, në kurriz të ajrit të pastër që duhet të thithin mushkëritë e qytetarëve dhe zaptimit taleban të hapësirave publike. Shkatërruesit e kryeqytetit Rama-Veliaj meritojnë ndëshkim popullor dhe ligjor! Krimet e tyre ndaj Tiranës nuk do të amnistohen kurrë!“, -shkruan Blushi.
/rtsh.al/
