RTSH 24 Live

Politikë

Betohet para Presidenti Shefi i Shtabit të Përgjithshëm të FA-ve, Arben Kingji

03/08/2022

Betohet para Presidenti Shefi i Shtabit të Përgjithshëm të FA-ve, Arben Kingji

Është betuar para Presidentit Bajram Begaj, Shefi i Shtabit të Përgjithshëm të Forcave të Armatosura Arben Kingji. Në ceremoninë e betimit kanë qenë të pranishëm dhe oficerë madhorë të FA-ve. Presidenti Begaj i ka dorëzuar Kingjit dekretin e emërimit dhe i ka uruar suksese në detyrën e rëndësishme në krye të Forcave të Armatosura shqiptare.

Shefi i Shtabit të Përgjithshëm të FA-ve, Gjeneral Brigade Arben Voke Kingji u betua sot para Presidentit të Republikës, Sh. T. Z. Bajram Begaj, njëkohësisht edhe Komandant i Forcave të Armatosura të Republikës së Shqipërisë.

Në ceremoninë e betimit, pas ekzekutimit të himnit kombëtar, u lexua dekreti i emërimit të Presidentit të Republikës. Gjeneral Brigade Arben Voke Kingji, me dorën mbi Kushtetutë, u betua solemnisht se : “Do t’i bindem Kushtetutës dhe ligjeve në fuqi, do t’i shërbej me ndershmëri vendit tim dhe do të mbroj interesat e Republikës së Shqipërisë.”

Presidenti Begaj i dorëzoi dekretin e emërimit dhe i uroi Shefit të Shtabit të Përgjithshëm Kingji punë të mbarë dhe suksese në detyrën e rëndësishme në krye të Forcave të Armatosura shqiptare.  Në ceremoninë e betimit ishin të pranishëm oficerë madhorë të Forcave të Armatosura”, thuhet në njoftim.

/rtsh.al/