Skelete ushtarësh që vdiqën në Betejën e Waterloos në Belgjikë në 1815 janë zbuluar nga arkeologët. Ekspertët thonë se zbulimet janë "tepër të rralla" në një fushë beteje Napoleonike dhe gërmime të mëtejshme janë duke u zhvilluar për të mësuar më shumë.
Ekipet gjetën mbetje njerëzish dhe kuajsh në gërmim, i cili rifilloi këtë vit për herë të parë që nga viti 2019.
“Unë kam qenë arkeolog në fushën e betejës për 20 vjet dhe nuk kam parë kurrë diçka të tillë”, tha prof Tony Pollard, drejtor i Qendrës për Arkeologjinë e Fushë Betejws. Beteja e Waterloo-s, e zhvilluar më 18 qershor 1815, shënoi fundin e Luftërave Napoleonike.
Një ushtri franceze nën komandën e Napoleonit u mund nga forcat e udhëhequra nga britanikët, të udhëhequr nga Duka i Wellingtonit, në aleancë me një ushtri prusiane të udhëhequr nga Field Marshall von Blücher.
Historianët e përshkruajnë betejën si një pikë kthese epike në historinë evropiane që i dha fund ambicies së Napoleonit për të sunduar pjesën më të madhe të Evropës. Ajo gjithashtu riformësoi marrëdhëniet e Britanisë me kontinentin.
Ndër gjetjet në gërmimet e fundit, mbetjet e tre gjymtyrëve të amputuara u zbuluan në fermën Mont-Saint-Jean.
Dhjetëra mijëra vdiqën në luftime, por pak mbetje janë gjetur. Sipas rrëfimeve bashkëkohore, një numër i madh kockash u mblodhën, u bluan dhe u përdorën si pleh në ferma.
Ekipi do të vazhdojë gërmimet e tij deri më 15 korrik dhe shpreson të bëjë më shumë zbulime deri atëherë./ BBC
/rtsh.al/
