Një farmacist amerikan i cili muajin e kaluar shkatërroi qindra doza të vaksinës kundër coronavirusit, është “i apasionuar pas teorive konspirative” dhe që beson në thashethemet se vaksina nuk është e sigurtë, shkruan AP.
Steven Brandenburg kishte nxjerrë nga frigoriferi i Qendrës Medicinale Aurora në Grafton të Visconsin 57 shishe të vogla të vaksinës kundër COVID-19 nga Moderna, ku secila prej shisheve përmban 10 doza – duke tentuar kështu t’i shkatërrojë, sepse gabimisht kishte besuar se vaksina është e rrezikshme dhe se mund të ndryshojë ADN-në e njeriut, transmeton Telegrafi.
Vaksinat bashkëkohore të Pfizer dhe BioNtech përmes teknologjisë RNA, i ofrojnë trupit të njeriut informacione për proteinat virusale që ndihmojnë në formimin e antitrupave kundër coronavirusit.
Ekspertët thonë se nuk ka dëshmi që ato ndryshojnë ADN-në e njeriut, kurse tashmë miliona njerëz janë vaksinuar me këtë vaksinë.
Ato duhet ruajtur në temperatura tejet të ulëta, ndryshe mund të shkatërrohen, e një gjë të tillë kishte tentuar të bëjë edhe Steven Brandenburg, është thënë në seancën e parë dëgjimore.
“Ai ishte i bindure që vaksina nuk është e sigurtë, pasi që metoda e RNA-së sipas tij e bënë këtë ilaç të pasigurtë”, ka thënë gjykatësi.
Brandenburg në fillim i kishte thënë menaxhmentit të spitalit se rastësisht ishin nxjerrë vaksinat nga frigoriferi, por më vonë kishte pranuar se me qëllim i kishteg nxjerrë jashtë.h
