Bashkia e Beratit ka nënshkruar Marrëveshjen e Binjakëzimit me bashkinë Matera në Itali.
Protokolli i Binjakëzimit parashikon projekte të përbashkëta në çështjet sociale, kulturore, ekonomike, shkëmbimit të informacioneve midis të rinjve, promovimin e përbashkët turistik dhe organizimin e eventeve të përbashkëta.
Për kryetarin e bashkisë Berat, Ervin Demo, shumë shpejt do të ketë hapa konkret përsa i përket këtij bashkëpunimi.
Pas nënshkrimit të marrëveshjes mes dy palëve, rreth rëndësisë së këtij binjakëzimi kanë folur edhe Presidenti i provincës së Materës Pierro Marrese dhe kryebashkiaku i Materës Domenico Bennardi.
"Ne nënshkruan sot një pakt vëllazërie mes dy bashkive, në aspektin e bukurisë, artit dhe turizmit kulturor. Ka ardhur momenti të ndajmë mes nesh strategji të zhvillimit, duke qenë se Matera është cilësuar Kryeqyteti Europian i Kulturës. Ne mezi presim që Shqipëria të hyjë në Europë sepse kjo do të na lejojë edhe më shumë të vazhdojmë drejt një dialogu mbi kulturën, artin dhe historinë e dy vendeve"-,tha Bennardi.
Matera dhe Berati janë qytete të cilat i bashkojnë rrënjët e hershme, janë dy bashki që kanë shumë të përbashkëta pasi gëzojnë të dyja statusin e UNESCO-s dhe shtyllën kryesore të zhvillimi kanë turizmin.
/rtsh/
