Presidenti Bajram Begaj ka zhvilluar një takim me kryebashkiakun e Shkodrës, Bardh Spahia dhe kryetaren e Këshillit Bashkiak Brisela Kadija. Begaj vlerëson bashkëpunimin politik në nivel lokal dhe një mesazh të shkëlqyer të bashkimit të forcave për zhvillimin e qytetit.
“Takim shumë i mirë me Kryetarin e Bashkisë së Shkodrës z. Bardh Spahia si dhe kryetaren e Këshillit Bashkiak, znj. Brisela Kadija. Vlerësoj bashkëpunimin politik në nivel lokal, një mesazh i shkëlqyer i bashkimit të forcave për të mirën e komunitetit dhe zhvillimin e qytetit”, shkruan Begaj në rrjetin social Twitter.
/rtsh.al/
