Komisioni Evropian hapi tenderin e parë për blerjen e përbashkët të gazit natyror, raporton Anadolu Agency.
Duke folur për gazetarët, Marosh Shefçoviq, nënkryetari i Komisionit Evropian, e cilësoi veprimin si një "moment historik" sepse kjo është "hera e parë ndonjëherë që BE përdor peshën e saj kolektive ekonomike për të rritur sigurinë tonë të energjisë dhe për të trajtuar çmimet e larta të gazit”.
Ai shpjegoi se 77 kompani evropiane paraqitën kërkesa për një vëllim total prej 11,6 miliardë metra kub gaz, që përbëhet nga kërkesa për 2,8 miliardë metra kub gaz natyror të lëngshëm (LNG) dhe 9,6 miliardë metra kub me furnizim me tubacion.
"Furnizuesit ndërkombëtarë të besueshëm" mund të aplikojnë për tenderin deri më 15 maj për të ofruar gaz midis qershorit të vitit 2023 dhe majit të vitit 2024, shtoi Shefçoviq.
E themeluar në dhjetor të vitit të kaluar, "AggregateEU" është tregu i ri i përbashkët i energjisë i bllokut që synon të grumbullojë kërkesa dhe të sigurojë furnizues të rinj për BE-në, për të reduktuar varësinë nga gazi rus.
( Sipas Anadolu Agency )
