Kryetari i PD, Lulzim Basha, zhvilloi një tubim në Elbasan. Qindra qytetarë kishin dalë në shesh për të pritur kryedemokratin. Një pjesë e tyre nuk mbanin as maska. Gjatë fjalës së tij të shkurtër, e ndikuar edhe nga moti i keq, Basha tha se 25 prilli do të jetë dita e ndryshimit për shqiptarët.
“Mirë se ju gjej vëllezër dhe motra të Elbasanit! Dita ka nisur e bukur dhe me diell, në Peqin dhe Dumre, por do të mbyllet me bereqet në Elbasan. Zemra e historisë së arsimit shqiptarë, kthehem sot për të diskutuar me përfaqësues të arsimit shqiptarë një plagë që e ndieni në zemrat e familjet tuaja. 25 prilli do të jetë ditë ndryshimi për çdo fëmijë shqiptar, për çdo familje shqiptare! Faleminderit për këtë pritje të mrekullueshme! Ora e ndryshimit po afron! Fitore!”, u shpreh Basha.
