Austria po kërcënon një bllokim të mundshëm për të pavaksinuarit, nëse situata në njësitë e kujdesit intensiv të vendit përkeqësohet, sipas planeve të reja të qeverisë. “Ne po përballemi me një pandemi të njerëzve të pambrojtur”, theksoi kancelari Alexander Schallenberg të premten në mbrëmje pas një takimi krize. Schallenberg ka përjashtuar një bllokadë për ata që janë vaksinuar ose shëruar nga Covid-19, duke thënë se shpreson që planet të dërgojnë një sinjal te popullata. ”Ka ende shumë persona ngurrues dhe që e marrin zvarrë”, theksoi ai, duke iu referuar atyre që nuk kanë bërë plane për t’u vaksinuar. Situata në repartet e kujdesit intensiv është në thelb e qëndrueshme, pavarësisht rritjes së numrit të të infektuarve të rinj. Aktualisht, janë rreth 220 shtretër të kujdesit intensiv të zënë nga pacientët Covid-19. Nëse ky numër do të rritet në 600, Austria do të arrinte në fazën e pestë të planit të saj, që kërkon kufizime masive të lëvizjes për të pavaksinuarit.
Lajmet kryesore
17 min para
