Kryeministri Albin Kurti i ka bërë thirrje Perëndimit që të ndihmojnë Kosovën për të arritur ambicien për t’iu bashkuar NATO-s dhe Bashkimit Evropian. Në një intervistë për Financial Times, Kryeministri Kurti u ka kërkuar shteteve perëndimore që të bindin vendet që nuk njohin pavarësinë e Kosovës.
Thirrja e Kurtit vjen dy ditë para takimit që do të zhvillojë me Sekretarin e Përgjithshëm të NATO, Jens Stoltenberg. Ky i fundit do të takohet gjithashtu me Presidentin serb, Aleksandër Vuçiç.
Takimi vjen pas tensioneve të shënuara mbrëmjen e 31 korrikut në veri të Kosovës pas vendimit të qeverisë së Kosovës për vendosjen e reciprocitetit për letërnjoftimet dhe targat serbe. Më 1 gusht, qeveria e Kosovës shtyu me 30 ditë vendimin.
/rtsh.al/