Një aksident i rendë ka ndodhur këtë të enjtë në vendin e quajtur “Bishti i Zhurit”, në Rrogozhinë.
Sipas njoftimit të policisë makina tip “Benz” është përplasur me një kamion, me drejtues I. C, duke sjellë vdekjen e dy personave që ndodheshin në autoveturë.
Ende nuk është bërë identifikimi i tyre, por mendohet se një parakalim i gabuar të jetë shkak i aksidentit tragjik.
Grupi hetimor ndodhet në vendngjarje dhe po punon për sqarimin e rrethanave të aksidentit.
Kavajë/Informacion paraprak
Më datë 04.08.2022, në vendin e quajtur “Bishti i Zhurit”, një mjet kamion me drejtues shtetasin I. C., është përplasur me një mjet tip “Benz” me drejtues ende të paidentifikuar.
Si pasojë e aksidentit, dyshohet se mund të kenë humbur jetën dy persona.
Grupi hetimor ndodhet në vendngjarje dhe po punon për sqarimin e rrethanave të aksidentit.
/rtsh.al/