Policia e Tiranës bëri të ditur se një aksident ka ndodhur në aksin rrugor Shkozë - TEG, ku një mjet ka përplasur një person, i cili ka ndërruar jetë në vendngjarje.
“Më datë 06.12.2022, rreth orës 17:30, në aksin rrugor Shkozë - TEG, një automjet me drejtues ende të paidentifikuar, ka aksidentuar një shtetas ende të paidentifikuar, i cili si pasojë e aksidentit ka ndërruar jetë në vendngjarje. Grupi hetimor po punon për saktësimin e gjeneraliteteve të drejtuesit të automjetit dhe të viktimës, si dhe për sqarimin e rrethanave të aksidentit."- thuhet në njoftimin e policisë.
/rtsh.al/