“Kam marrë pjesë në shumë festivale të këngës për fëmijë. Vij me dëshirë në kurs e më pëlqen shumë të këndoj.Vij dy herë në javë që bëj prova pranë qendrës Fato Berberi.Është një sakrificë për prindërit e mi që më shoqërojnë dhe unë dua t’ua shpërblej një ditë” – thotë Olgerta
Janë 15 fëmijë të talentuar që frekuentojnë rregullisht, 2 herë në javë, kursin e këngës në këtë qendër. Dashuria për muzikën i sjell ata edhe nga zona jashtë qytetit si Lazarati, Libohova, Kardhiqi. Edhe në këto ditë të ftohta ata nuk e kanë ndërprerë pjesëmarrjen. Gjithsecili, me karakteristikat e zërit të tij, dëshiron që të bëhet këngëtar.
“Të gjithë fëmijët vijnë me pasion shprehin emocionet dhe talentin e tyre. Ne kemi sjellë në fund të vitit kengën e vitit të ri si një kartolinë me mesazh urimi për qytetin e Gjirokastrës. Zërat e fëmijëve në qendër i kemi 15 fëmijë të talentuar. Nuk vijnë për t’u argëtuar, por nesër të bëhen këngëtarë. I kemi dhe nga zonat përreth qytetit si Lazarati, Libohova, Ura e Kardhiqit. Zërat fëminorë janë zëra të bardhë , të pastër, të bukur. Çdo fëmijë ka veçorinë e zërit , por ka dhe nga ata që janë të vlerësuar si të vecantë. Kemi zëra të fortë e të fuqishëm si Klaudia, Rinadi, Olgerta Aferdita , Aleksandra që të lënë mbresë kur i dëgjon.”- thotë instruktori Gentian Selfo.
Qendra Kulturore “Fato Berberi” ofron një gamë të gjerë kursesh për fëmijë, duke u dhënë mundësinë atyre të zhvillojnë talentin e tyre në fusha të ndryshme.
