Ministria e Financave dhe e Ekonomisë do të mbështesë financiarisht në fushën “Programim” shumë degë duke filluar nga kodimi, programimi kompjuterik, zhvillimi i aplikacioneve, robotika, elektronika etj.
Kjo mbështetje financiare do të jetë përgjatë gjithë vitit 2023, dhe mbështetet në vendimin e qeverisë për procedurat, kriteret dhe rregullat për zbatimin e programeve të formimit profesional nëpërmjet mbështetjes financiare të ofruar, sipas procedurave të konkurrimit, për kurset e formimit profesional të organizuara nga institucionet e formimit profesional, publike apo private.
Mbështetur në vendimin e mësipërm, ministrja e Ekonomisë dhe Financave, Delina Ibrahimaj, ka udhëzuar për mbështetje financiare për vitin 2023, për programet e formimit profesional në fushën “Programim”.
“Në fushën “Programim” përfshihen: kodimi, programimi kompjuterik, zhvillimi i aplikacioneve, robotika, elektronika, shkenca e të dhënave, siguria kibernetike, inteligjenca artificiale, testimi i softëare-ve, dizajni i softëare-ve, dizajni i faqeve ëeb, dizajni i përvojës së përdoruesit, dizajni i ndërfaqes së përdoruesit, mësimi makinerik/ automatik, realiteti i shtuar, realiteti virtual ose algoritmet kompjuterike apo fusha të ngjashme të tjera. Fondet për zbatimin e këtij programi për vitin 2023 të mbulohen nga fondet e lira të programit të nxitjes së punësimit.”- thuhet në vendim.
Fusha “Programim”, degët që përfitojnë mbështetje financiare:
- Kodimi
- Programimi kompjuterik
- Zhvillimi i aplikacioneve
- Robotika
- Elektronika
- Shkenca e të dhënave
- Siguria kibernetike
- Inteligjenca artificiale
- Testimi i software-ve
- Dizajni i software-ve
- Dizajni i faqeve web
- Dizajni i përvojës së përdoruesit
- Dizajni i ndërfaqes së përdoruesit
- Mësimi makinerik/ automatik
- Realiteti i shtuar
- Realiteti virtual ose algoritmet kompjuterike apo fusha të ngjashme të tjera
/rtsh.al/a.meta