Ushtria izraelite ka kryer një sulm me dron kundër një raketahedhëse në Rafah të Gazës jugore që u përdor në një sulm ndaj komuniteteve kufitare izraelite.
Dymbëdhjetë raketa u lëshuan në sulm, me sistemin Iron Dome që rrëzoi 5 prej tyre.
Sipas ushtrisë, raketat e tjera goditën zona të hapura, duke mos shkaktuar dëme apo lëndime. Raketa në Rafah u godit brenda një ore nga sulmi.
Në një sulm tjetër më herët sot, IDF tha se gjashtë raketa u hodhën nga zona e Rafah drejt kalimit të mbyllur Kerem Shalom. Nuk u shkaktuan lëndime.
“Raketat që u hodhën në drejtim të zonës së Kalimit Kerem Shalom po pengojnë hyrjen e ndihmave humanitare në Rripin e Gazës. IDF do të vazhdojë të operojë për të mundësuar kushtet e nevojshme të sigurisë për të rihapur kalimin Kerem Shalom”, thuhet në një deklaratë të ushtrisë.
/rtsh.al/
