Izraeli ka reaguar ndaj qëndrimit të Shteteve të Bashkuara të Amerikës për ndërhyrjen ushtarake në Rafah duke theksuar se operacioni i tij është në shkallë të kufizuar.
Sipas Tel Avivit, operacioni në qytetin Rafah të Gazës është i fokusuar për të parandaluar kontrabandën e armëve dhe mallrave të tjera të ndaluara.
Referuar raporteve izraelite, pritet që të transferohet kontrolli i kalimit tek një firmë private amerikane e sigurisë pasi IDF të përfundojë ofensivën.
Izraelitët theksojnë se negociatat janë duke vazhduar me kompaninë amerikane e cila punëson ish-ushtarë elitë amerikanë dhe është eksperte në sigurimin e vendeve strategjike në Afrikë dhe Lindjen e Mesme. Izraeli dhe SHBA do ta ndihmojnë firmën nëse është e nevojshme.
Izraeli thuhet se ka premtuar se do të operojë vetëm në pjesën lindore të qytetit dhe të mos dëmtojë infrastrukturën kufitare.
/rtsh.al/