Edhe një herë sytë janë nga Dubai. Vendi i cili ka habitur botën me shumë befasi, po synon të ndërtojë aeroportin më të madh dhe më spektakolar në botë.
Siç raporton "Al Jazeera", puna për zgjerimin e Aeroportit Ndërkombëtar "Al Maktoum" tashmë ka filluar.
Kur të përfundojë aeroporti, ai do të jetë më i madhi në botë.
Kryeministri dhe nënkryetari i Dubait, Sheikh Mohammed bin Rashid Al Maktoum, tha të dielën se aeroporti i ri do të jetë pesë herë më i madh se aeroporti aktual ndërkombëtar i Dubait.
Do të ketë pesë pista, 400 porta dhe me kapacitet për të shërbyer deri në 260 milionë pasagjerë në vit, sipas asaj që është paralajmëruar zyrtarisht, padyshim do të jetë më e ngarkuara.
Të gjitha operacionet e Aeroportit Ndërkombëtar të Dubait do të transferohen, gradualisht gjatë viteve të ardhshme, në Aeroportin Ndërkombëtar Al Maktoum.
“Dubai do të bëhet aeroporti i botës, porti i tij dhe qendra e re globale”, thekson Sheikh Mohammed bin Rashid Al Maktoum.
Paul Griffiths, shefi ekzekutiv i Dubai Airports, tha se këto lëvizje do ta vendosin Dubain si një qendër kryesore ndërkombëtare e aviacionit.
/ rtsh.al /
